Индустрияландыру картасы аясында қазірдің өзінде жалпы сомасы 36 млрд 692,1 млн теңгені құрайтын 24 инвестициялық жоба жүзеге асырылып, 1500-ден астам жұмыс орны ашылды. Ал бүгінде қосымша құны жоғары өнім шығаратын 30-дан астам зауыт ашуды қолға алып отырмыз.
Оның ішінде Индустрияландыру картасына енгізілген құны 20 млрд теңгені құрайтын Ақтоғай ауданындағы «Пустынное» тау-кен металлургия кәсіпорнын қайта жаңғырту және кеңейту жобасы. Экономикалық болжам жылына 2 миллион тонна кен өндіруге және 500-ден астам жұмыс орнын құруға уәде береді. Қазір дайындық жұмыстары жүргізілуде, оған 80-ге жуық маман тартылып, құрал-жабдықтар сатып алынуда, кен қорын қосымша барлау жұмыстары жүргізілуде. Ал зауыттың өзі қуаттылығын оңай арттыратындай етіп жасалған.
Зауыт кішкентай емес, бірақ ол үлкенірек болады